Baturai Pantun (Kesenian Tradisional Budaya Banjar) Kalimantan Selatan...

Ini adalah naskah baturai pantun yang semestinya digunakan untuk mengikuti sebuah lomba. Karena pesertanya kurang banyak "tidak memenuhi target panitia" jadi lombanya dibatalkan. Daripada sayang dibuang, jadinya di posting di Blog ini aja dehh,,,,!!!

Baturai Pantun merupakan salah satu kesenian daerah Banjar, yaitu suatu kesenian yang dalam istilah orang Banjar (Kalimantan Selatan) disebut basasahutan pantun. Biasanya baturai pantun ini dilakukan oleh dua orang. Baturai pantun ini juga kadang-kadang ada pada budaya suku-suku tertentu di Indonesia, Hanya saja perbedaannya adalah: biasanya bahasa yang digunakan dalam baturai pantun adalah bahasa daerah Banjar. Berikut ini merupakan salah satu contoh naskah baturai pantun yang menggunakan  bahasa Banjar.

“Baturai Pantun”

1)      Tulak kapasar manukar tilam

Manukar tilam kahalusan

Ooii panuntun,,, Bolehkah kami maucap salam

Buhan pian manyahutakan

Assalamu’alaikum Wr...Wb...

2)      Manukar Dodol di kandangan

Kada afdol mun kita kada bakanalan,,

3)      Pa Idiannoor ramah urangnya

PR 3 Jabatannya

Ngaran ulun liwar haratnya

Mabrur haja kadada hajinya,

4)      Amun tulak Kasakolah

Nyamannya basapida

Ngaran ulun Athoillah

Dikiyaunya Atoi haja

5)      Bajalanan tulak ka Jakarta

Malihat Monas banyak amasnya

Kami dari fakultas MIPA

Datang kasini umpat maramiakan suasana

6)      Anak pramuka sangatlah gagah

Lawan pang harat maulah tinda

Aku handak batakun hulu nah

Napa tema lomba nang ada

7)      Mun ikam manukar mija

Tukarlah di tanjung kota

Jangan tahu umpat haja

Tema kali ini budaya banua kita

8)      Amun nukar di tanjung kota

Murahkah harganya

Amun tentang banua kita

Aku paling panahunya

9)      Ka pulau kambang naik parahu

Disana banyak wariknya

Jangan bapadah aling tahu

Amun kada ada buktinya

10)  Tulak kapasar manukar lukah

Batakun urang liwar larangnya

Ikam handak buktikah

Tu pang pasar terapung buktinya

11)  Kapasar iwak pakai kamija

Tapi pang banyak manukar tahu

Yang ikam sambatakan tu sabuting haja

Maka tadi bepadah paling tahu

12)  Manukar durian diulah tampuyak

Maulah tampuyak dibanyaki uyahnya

Kada kawa’ae manyambat banyak

Mun baris pantun ada batasnya

13)  Binian bungas pakai karudung

Tapi pang sayang ada ampunnya

Salain pasar terapung

Baturai pantun ni pang salah satunya

14)  Panuntun kada mau baranai

Ditimbai duit lakas manyasahnya

Mun dua tu urang tahu’annae

Sambatakan pang lagi nang lainnya

15)  Binian putih liwar langkarnya

Ujar pang urang ngarannya ain

Mun kusambatakan samuanya

Kada sampat tampil lagi yang lain

16)  Juragan iwak ngarannya surya

Ba’isi bini ngarannya rara

Amun handak tahu nang lainnya

Takuni nang ampun acara

17)  Baisi bini ngarannya rara

Sakalinya ada bini kadua

Amun aku nakuni ampun acara

Katahuan pada banyak kada tahu budaya banua

18)  Tulak kawarung manukar hintalu

Hintalunya asisa dua

Nih ngini gan katahuanku

Pada banyak kada tahu budaya banua

19)  Kupu-kupu bungas halarnya

Bahinggap di bahuku

Tarus pang apa solusinya

Sakira aku banyak tahu

20)  Tulak kaBanjar di tilang polisi

Ditilang polisi aku manyogoknya

Amun ikam handak solusi

Umpati lomba, PANTINK ngarannya

21)  Iwak papuyu dikurung dalam kolam

Mun sudah ganal ditangkap pakai lunta

Salut gasan BEM KM UNLAM

Melestarikan budaya banua

22)  Singgah dirantau nukar kuini

Sampai dirumah diulah sup buah

Kalawasan sudah kita disisni

Cukupakan kah sudah

23)  Kambang malati harum baunya

Di pakai gasan madi tujuh bulanan

Amun handak habis sudah waktunya

Ayuja kita cukupakan

Ooooo... panuntun sampai

disini hajalah kami

Sabalum kami manutup nih ada cuci mulutnya

Tulak ka pasar pakai jukung

Sampai di pasar duduk diwarung

Mun handak kuliah janganlah bingung

Fakultas mipa siap manampung

Terima Kasih......

Wassalamu’alaikum Wr....Wb.....